رانیه‌ ،کوژرانی دوو ژن له‌ یه‌ک حه‌وتوودا

ده‌نگی ژنانی کورد / صدای زنان کرد

شه‌ممه‌ 22/11/2711ی کوردی

ئێواره‌ی ئه‌مڕۆ له‌ شاری رانیه‌ پیاوێک پاش کوشتینی ژنه‌که‌ی هه‌وڵی خۆکوژی خۆیشی ده‌دا.

به‌پێی هه‌واڵێک که‌ ماڵپه‌ڕی په‌یامنێر بلاوی کردوه‌ته‌وه‌ ئێواره‌ی ئه‌مڕۆ له‌ شاری رانیه‌ پیاوێکی ته‌مه‌ن 23 ساڵان به‌ هۆی کێشه‌ی بنه‌ماڵه‌ییه‌وه‌  به‌ چوار فیشه‌ک ژنه‌که‌ی خۆی به‌ نێوی ساکار عومه‌ر21 ساڵان  ده‌کوژێت و پاشان هه‌وڵی خۆکوژی خۆی ده‌دات،ناوبراو گوله‌یه‌کیشی به‌ سه‌ری خۆی ه‌وه‌ ناوه‌ و به‌ هۆی خراپ بوونی باری جه‌سته‌ییه‌وه‌ ره‌وانه‌ی نه‌خۆشخانه‌ی شاری سلێمانی کراوه‌.

جێگای ئاماژه‌یه‌ له‌حه‌وتووی رابردوودا ئه‌مه‌ دووهه‌مین  روداوی له‌م چه‌شنه‌یه‌ که‌ له‌ ئه‌وشاره‌ روو ده‌دات،چه‌ند رۆژ له‌مه‌و به‌ریش پێاوێک کچه‌که‌ی خۆی به‌ نێوی ساکار له‌ کاتی خه‌و دا و به‌ تاوانی خۆشه‌ویستی کوشتبوو.