قه‌تڵی نامووسی ، ئه‌مجاره‌ له‌ وان

ده‌نگی ژنانی کورد / صدای زنان کرد

هه‌ینی 28/11/2711ی کوردی

له‌ شاری "وان"ی  باکووری کوردستان ژنێکی ته‌مه‌ن 23 ساڵ به‌ ده‌ستی بنه‌ماڵه‌ی مێرده‌که‌ی کوژراوه‌.

به‌ پێێ ئه‌و هه‌واڵانه‌ی که‌ له‌ راگه‌یه‌ندنه‌کانی وڵاتی تورکیه‌ بڵاو بوه‌ته‌وه‌ چه‌ند رۆژ له‌مه‌و پێش و له‌ رۆژی خۆشه‌ویستی(ڤالانتاین)ژنێکی کورد به‌ نێوی "عایشه‌ هانای" خه‌ڵکی ناوچه‌ی چالدوران سه‌ر به‌ شاری "وان"ی باکووری کوردستان  به‌ تۆمه‌تی پێوه‌ندی له‌ گه‌ڵ که‌سێکی دیکه‌ به‌ ده‌ست بنه‌ماڵه‌ی مێرده‌که‌ی کوژراوه‌.

له‌م پێوه‌ندییه‌دا  دا پۆلیسی ئه‌و وڵاته‌ چه‌ند که‌سێکی ده‌ستبه‌سه‌ر کردووه‌ که‌ له‌ نێویان دا مێرده‌که‌ی، باوک و برای مێرده‌که‌ی و هه‌روه‌ها مامی مێرده‌که‌ی ده‌بیندرێن.